Cheeb Tsam nroog Anchorage Lub Chaw Khiav Hauj Lwm Xwm Txheej Kub Ntxhov

Qib Kev Ua Haujlwm Tam Sim No: Qib 1 – Cov kev Ua Hauj Lwm Li Ib Txwm

​​​Anchorage Emergency Operations Center yog lub chaw loj uas tag nrho Lub Nroog cov tuam tsev hauj lwm thiab cov koom haum koom tes hais daws tej kev puas tsuaj loj hauv Lub Nroog Anchorage.

Lub Anchorage Emergency Operations Center yog lub chaw uas txhua tus tswv cuab ntawm Pab Neeg Hais Daws Xwm Txheej Kub Ntxhov koom tes daws tej kev puas tsuaj loj hauv lub Nroog Anchorage. Lub Emergency Operations Center nyob ntawm ntug Nroog Anchorage, nws muab chaw ua hauj lwm rau lub Nroog Anchorage cov neeg koom tes hais daws xwm txheej kub ntxhov tuaj ntawm tsoom fwv hauv zos, cov koom haum tsis yog lag luam thiab lwm qhov chaw. Lub Emergency Operation Center kuj tseem tuaj yeem khiav hauj lwm sib tham pom ntsej muag hauv is taws nem.

Pab Neeg Hais Daws Xwm Kub Ntxhov (Anchorage Emergency Response Team) muaj cov tswv cuab los ntawm lub Nroog ntau cov Tuam Tsev Hauj Lwm, cov koom haum tsis yog lag luam thiab koom haum ntiag tug uas muaj lub luag hauj lwm tshwj xeeb rau hauv kev ua haujlwm thaum muaj xwm kub ntxhov. Emergency Response Team tau npaj cov neeg ua haujlwm rau lub Emergency Operations Center 24 teev nyob rau ib hnub rau lub sijhawm muaj xwm txheej ceev lossis kev puas tsuaj.



click here for English >>

​Cov Qib Kev Qhib Ua Hauj Lwm Lub Chaw Ua Haujlwm Xwm Txheej Kub Ntxhov

Qib 1
Kev Ua Haujlwm Li Ib Txwm: Lub Nroog cov koom haum tab tom ua tej dej num txhua hnub uas ib txwm ua uas yog hais daws cov xwm txheej los ntawm kev siv cov peev txheej uas twb muaj lawm, cov kev cai, thiab cov txheej txheem. Cov xwm txheej tam sim no yog raug saib xyuas los ntawm cov koom haum uas tsim nyog.
Qib 2 Kev Saib Xyuas Kev Hais Daws Qhov Xwm Txheej: Ib qhov xwm txheej lossis kev hem thawj uas tau tshwm sim uas xav tau cov ntaub ntawv pej xeem ntau ntxiv thiab muaj qhov ua rau cov koom haum los muab kev sib koom tes tau. Lub EOC tuaj yeem raug qhib los ntawm OEM cov neeg ua haujlwm thaum lub sijhawm cov sijhawm ua haujlwm li ib txwm lossis cov teev ntau ntxiv raws li xav tau. Cov xwm txheej tau raug soj ntsuam los ntawm kev qhib siv cov network kev sib qhia cov ntaub ntawv.
Qib 3
 Kev Qhib Ua Hauj Lwm Ib Nrab: Ib qho xwm txheej lossis kev hem thawj uas tau tshwm sim uas xav kom ib nrab ntawm lub EOC qhib ua hauj lwm, uas tej zaum yuav siv sij hawm ntev dhau hnub ua haujlwm li ib txwm thiab yuav tsum tau saib xyuas txhua lub sij hawm. Kev npaj cov neeg ua haujlwm EOC los ntawm OEM cov neeg ua haujlwm feem ntau yuav tau txais neeg ntxiv los ntawm lwm lub koom haum.
Qib 4
Qhib Ua Ua Hauj Lwm Kom Tag Nrho: Ib qho xwm txheej lossis kev hem thawj uas tau tshwm sim uas xav kom qhib ua hauj lwm tag nrho lub EOC kom tag hnub 24-teev nrog tag nrho cov neeg ua haujlwm hauv nroog uas raug cob qhia zoo uas tab tom koom nrog lossis raws li hu xov tooj rau. Ib qho xwm txheej kub ntxhov uas tab tom nyob hauv kev txiav txim siab los yog tau muab tshaj tawm. Qhov xwm txheej av qeeg loj lossis toj kub nhyiab loj uas tsim kev puas tsuaj loj rau tej vaj tsev thiab hem thawj rau tib neeg lub neej txoj sia yuav ua rau qhib siv kev ua hauj lwm qib plaub.
Qib 5 
Kev Ua Haujlwm Kho Kom Zoo Rov Qab Los: Hloov kev ua hauj lwm los ntawm EOC cov luag haujlwm hais daws los mus rau qhov chaw koom tes ua haujlwm kho kom zoo rov qab los lossis lub chaw ua hauj lwm pab cuam kev puas tsuaj tom tshav puam rau cov khoos kas kev kho kom zoo rov los li qub. Thaum muaj ntau cov koom haum tseem hauv Lub Nroog tseem yuav koom nrog hauv qhov xwm txheej no, EOC tau hloov rov qab los rau qhov kev ua haujlwm li ib txwm.




​