​

Kev Txo Qis Huab Cua Phem Thaum Caij Ntuj No

Thawj kauj ruam kom nyob dhau Alaskan lub caij ntuj no yog npaj koj ib puag ncig

NPAJ KOJ LUB TSEV:

• Hloov lub qhov rooj thiab qhov rais qub kom zoo dua qub
• Ntxuav tu koj cov ciav dej cug dej nag raws tej tw vuas tsev ua ntej lub caij ntuj no
• Txiav cov ceg ntoo uas yuav dam poob los ntau koj lub tsev
  
• Tshuaj xyuas thiab ntxuav tu koj lub qhov tso pa taws tawm tsis tu ncua
• Hloov cov ntxaij lim cua ntawm cov tshuab tso cua sov kom tsis tu ncua
• Kaw cia koj tus kav dej thiab tshem tawm cov xaim yas dej
• Npaj cov ntsev yaj dej khov los siv rau ntawm cov kev taug kom tsis txhob muaj dej khov
• Tshuaj xyuas koj lub tswb ceeb toom pa taws thiab cov pa roj carbon monoxide tsis tu ncua
• Alaska Home Fire Campaign tuaj yeem pab kom koj tau txais cov tswb ceeb toom pa taws tswb tshiab

NPAJ KOJ LUB TSHEB:

• Tshuaj xyuas theem dej ntawm taub dej tshuaj tiv thaiv kom dej txhob khov thiab txhab ntxiv rau
• Tshuaj xyuas taub dej siv tsuag ntxuav iav tsheb
• Tshuaj xyuas cov cua hauv lub log tsheb
• Tseg cov roj tsheb hauv lub taub roj kom tshuav ib nta xwb kom tsis txhob muaj dej khov hauv cov xaim roj thiab lub taub roj
• Saib xyuas tej kua roj kom nyob rau theem zoo thiab hloov roj cav tsis tu ncua

KEV NPAJ POB KHOOM SIV HAUV TSHEB THAUM MUAJ XWM TXHEEJ KUB NTXHOV:

• Cov xuab zeb miv lossis cov hnab xuab zeb rau pab sib cab yog tias koj lossis lwm tus neeg lub tsheb daig
• Cov kaus mom, tsho tiv no, hnab looj tes, thiab pam vov ntau ntxiv
  
• Rab duav hlau thiab rab txaug kuam qhov rai
  
• Lub xov tooj cua uas noj roj teeb (siv tes kiv kom xaj roj rau lossis cov roj teeb faj seeb ntxiv)
• Teeb nyem (siv tes kiv kom xaj roj rau lossis cov roj teeb faj seeb ntxiv)
• Cov khoom noj txom ncauj xws li cov qhob noom noob txiv laum huab xeeb lossis cov khoom noj qhuav
• Cov twj npuab kom sov tes uas siv Roj Teeb los yog Butane
• Cov Hnab Npuab Tes Kom Sov los yog lwm yam khoom siv npuab ob txhais tes kom sov
• Pob khoom siv pab cuam xub thawj tso hauv tsheb
  
• Rab chais uas muab quav ob ya tau
• Cov xaub hlau los sis cov hlua cab tsheb
• Cov teeb ntsa lossis cov cij lossis cov cim uas ntsa nplaim teeb
• Daim duab qhia chaw txog txoj kev
• Cov ntais ntawv thiab khob los yog lub me nyuam lauj kaub rhaub dej rau yaj cov dej
• Yog tias ua tau, npaj ib lub qhov cub me me ev tau 80/20 sib xyaws kaus poom roj isobutane / propane nrog lub lauj kaub me me rau rhaub dej thiab ua noj

Npaj Koj Tus Kheej:

• Xyuas cov tsho tiv no thiab cov ris ris tiv daus seb puas ntuag thiab to qhov. Tuaj yeem siv pob ntaub nplaum los nplaum pab kom dej txhob nkag tau
  
• Npaj cov khau muaj hniav cuab nplua saum dej khov los yog lwm yam khau uas tsim los rau lub caij ntuj no siv rau saum cov daus thiab dej khov
• Npaj lub kaus mom sov, hnab looj tes, khau raj, thiab phuam npog ntsej muag kom zoo. Tsis txhob siv cov khaub ncaws paj rwb vim nws tsis sov zoo tshwj xeeb tshaj yog thaum nws ntub dej lawm. Nrhiav cov ris tsho uas yog ntaub plaub, plaub tsiaj, lossis cov ntaub sib xyaws nrog plaub yaj