​​​Ekualriit Upyucarait​​

Maani Ellmeggnek Atanirtutulini amllernek enetangqertuq Nunarpagtaam/Yuilqurtaam-llu akuliigni, yugtailnguum yulgem-llu nunakenka akuliitni.

Ekualrianek Uptenqegcaaralriani enevceci unguvavceci-llu anirtuuteksugngaluku.

Callerkiurluci​ taqiutanek-llu

​Enevceci avatait aulukluki:​​​​

• Qaliqaci carrirturaraqluki nekevraartut mingqutnguaritnek, cuyanek, avayanek-llu
  
• Qaliqautet qacaglilriit wall’u au͡g’artellret kituggluki
  
• Puyirviit avatait auluku’urluki
  
• Qallini ellviit caputaita negait auluku’urluki, ellviit-llu carriraqluki 
  
• Egalret caputait navgumalriit wall’u qaciglilriit kitugtaqluki 
  
• Elakaraat [Decks] aciit carrirturaraqluki 
  
• Nunautevceńi cuyaqsiit napat-llu kepluki kenugngaurtelluki, ekutenritlerkaat pitekluku
• Napat avayairaqluki acetutaciit akimiaraat it’ganret cipcetevkenaki
  
• Enevceci avaitaitni eksarailkutnek nauceciigat cimirluki
  
• Kaassat allat-llu akusngalriit kaassarngalnguut qemaggvigkaitnun qelkaqluki enevceci canimetenrilkaitnun 
  
• ​Muragkat ekqutet-llu eksukaaralriit enevceci canimetenrilkaitnun qellekluki 
• Nauceciiviit mertessuutait maqsuucirluki uksum avatiini
  
• Tumyarat nunakuaryarat-llu qulen malrugnek cipluku it’ganret ikgellruvkenaki iqtutavkaraqluki
  
• Eneci avataitni-llu tumyarani tuyurcuutevci nallunailkutait alaitevkarluki​